رئيس نادي سموحة يدون على «تويتر» بكلمات بها إشارة جنسية.. ومغردون: «هتودينا في داهية أفصلوا عليه النت»

الموجز

حالة من الغضب والجدل الشديد انتابت رواد موقع التواصل الاجتماعى من متابعى صفحة النائب البرلماني فرج عامر رئيس نادي سموحة، إثر تدوينة له في إطار نفيه لوجود إصابات بين أعضاء النادي أو لاعبيه، بمرض الالتهاب السحائي.

ولوحظ من رواد ومستخدمي موقع “توتير”، كثرة الأخطاء الإملائية في الكلمات التي أعلن من خلالها فرج عامر، عن تلك المعلومة، آخذين الأمر على محمل الفكاهة والتوجه بكلام لاذع.

حيث كتب رئيس نادي سموحة: “سموحة خالي تماما من الالتهاب السحاقي، ولا توجد اي خطورة علي اي من الاعضاء ولذينا تاكيدات طبية انة لا ينتقل عن طريق الماء هذا فيما يخص السباحين والسباحات”.

وانهالت التعليقات على تلك التدوينة بشكل واسع، حيث قال الكابتن أحمد: “يالهوى على مجلس النواب وسنينه، ياعم اسمه الالتهاب السحائى، وبعدين إيه كمية الأخطاء اللغوية اللى فى تويتاتك دى يا حاج ماتشوف حد يكتبلك يا حاج أو غير الأدمن عشان هيفضحك كده”.

وغرد عمر قائلًا: « يا بشمهندس اسمه التهاب  'سحائي' ..كلمة 'سحاقي' دي غلط ومعناها أبيح».

كما كتبت شاهيناز قائلة: «يا بشمهندس  المرة دى عديت الخطوط الحمراء للأخطاء الإملائية مش معقول كده 🙊 هو حضرتك اللى بتكتب التويتات دى بنفسك ولا الأدمن ساقط الإبتدائية هو اللى بيكتب بالنيابة عنك 🤔 عاوزين إجابة».

ودون حساب تحت اسم العفريتة الملاك قائلة: «والالتهاب دا تبع مشروع ليلى ولا مش تبعهم عشان نكون واضحين بس وعارفين هنقول ايه ل الناس، أدي اخرة اللي يهرب من درس الإملاء بيجيله إلتهاب سحاقي من حيث لا يدري و هو قاعد ف بيتهم».

فيما علق “أبو ابراهيم” بطريقة فكاهية: « الموضوع مش فرق لغوي بين كلمتين ، ده فرق أخلاقي بين السحاق ( الجماع بين امرأتين) و السحاء و هو الالتهاب المقصود»

كما دونت عبير: «انت بجد يا باشمهندس مش عارف معنى سحاقى ولا بتهزر فى التويتة دى، من فضلك احذفها وصلح الكلمة المرض اسمه الالتهاب السحائى اسمه كدا ورحمة خالى حسن».

 

تعليقات القراء